15:21

Qarabağ ətrafındakı konflikt bütün böyük oyunçuları qane edir. Bu oyunçular Avropa, ABŞ, Rusiya və İrandır. Onlar üçün əsas olan bu istiqamətdə ciddi heç nəyin baş verməməsi, böyük müharibə olmamasıdır.

Bu sözləri Axar.az-a açıqlamasında İsrail politoloqu Avram Şmuleviç deyib. Onun sözlərinə görə, beynəlxalq səviyyədə bütün böyük geosiyasi oyunçular Qarabağın Azərbaycana məxsus olduğunu etiraf edirlər, amma bunu praktik olaraq reallaşdırmağa tələsmirlər:

“Hər kəs başa düşür ki, bu situasiya dalana dirənib. Əgər erməni hakimiyyəti işğal edilmiş torpaqların heç olmasa bir qismindən imtina etmək qərarına gəlsə, bu, Ermənistanın özü üçün qeyri-müəyyən nəticələrə gətirib çıxaracaq və müqaviləni imzalayacaq qüvvənin devrilməsinə səbəb olacaq”.

Şmuleviç Azərbaycanın işğal edilmiş torpaqlarından əl çəkmək fikrində olmadığını, amma bununla belə hazırkı situasiyada texniki səbəblərdən genişmiqyaslı müharibənin mümkünsüz olduğunu söyləyib:

“Rusiya və Türkiyə genişmiqyaslı savaşa qarşı çıxırlar. Onları Ermənistanın tərəfində yer alan İran da dəstəkləyir”.