Moldova Xarici İşlər Nazirliyi Tovuzda erməni təxribatı ilə bağlı bəyanat yayıb.

Axar.az xəbər verir ki, bəyanat Moldova XİN-in rəsmi saytında dərc edilib.

Moldova XİN həlak olanların ailələrinə başsağlığı verib və tərəfləri güc tətbiq etməkdən çəkinməyə, vəziyyətin kəskinləşməsinin qarşısını almaq üçün səylərini davam etdirməyə və beynəlxalq hüququn prinsip və normalarına hörmət əsasında uzunmüddətli siyasi həll yolu tapmağa çağırıb:

“Moldova Respublikası beynəlxalq səviyyədə tanınmış sərhədləri daxilində, Azərbaycan Respublikasının suverenliyinə və ərazi bütövlüyünə hörmət əsasında münaqişənin sülh yolu ilə həll edilməsinin tərəfdarıdır”, - bəyanatda bildirilib.