Ana səhifə Siyasət |
Kollektiv Təhlükəsizlik Müqaviləsi Təşkilatı Daimi Şurasının Ermənistanın Tovuz təxribatına və sərhəddə yaşananlara görə təcili iclasının çağırılması, ancaq dərhal da iclasın ləğv edildiyi haqda məlumatın yayılması Ermənistanda guya “şok effekt” verib.
Axar.az xəbər verir ki, erməni rəsmilər və media bunu fürsət bilərək, Rusiya əleyhinə kəskin ittihamlar səsləndirməyə başlayıblar.
“Lragir.az” saytında dərc edilən məqalədə bildirilib ki, KTMT həmişə postsovet məkanında siyasi rəqabət və Rusiya ilə münasibətlərin aydınlaşdırılması üçün platforma olub:
“KTMT-yə daxil olmayan Azərbaycan onun üzvü olan Ermənistandan bloka daha çox təsir göstərə bilir. KTMT ya Ermənistanı dəstəkləməli, ya da özünü buraxmalıdır”.
Qəribə bir “təsadüflə” ekspertlərin proqnozları özünü doğrultmaqdadır. Ekspertlər bildirmişdilər ki, Nikol Paşinyan dövlət sərhədində həyata keçirilməsinə göstəriş verdiyi bu təxribatla, əslində, Rusiyadan ayrılma yolunda ciddi addım atmaq istəyir.
Belə ki, təxribata görə KTMT-dən dəstək ala bilməyəcəyinə əvvəlcədən əmin olan N.Paşinyan bunu bəhanə edərək, “Rusiyaya arxalanmağın mümkün olmadığı” barədə ictimai rəy formalaşdırmaq və qərbyönlü siyasətini açıq müstəviyə keçirmək istəyir.
Tarix
2020.07.14 / 17:09
|
Müəllif
İlkin Həsənov
|