Ermənistan Baş naziri Nikol Paşinyan dəfələrlə təxribatçı hərəkətlərə yol verib.

Axar.az xəbər verir ki, Türkiyənin Azərbaycandakı səfiri Ərkan Özoral “Haber7.com” saytına müsahibəsində deyib. O bildirib ki, Paşinyanın bölgəyə səfər edərək “Dağlıq Qarabağ Ermənistandır” deyə açıqlama verib:

“Bundan başqa, oğlunu Dağlıq Qarabağa hərbi xidmət keçməyə göndərdi. Paşinyan xaricdən də göründüyü kimi, ancaq təxribat törətməyə çalışdı. Təəssüf ki, məsələnin daha da ağırlaşmasına səbəb oldu. Əlbəttə ki, xarici amillərin də bu vəziyyətə təsiri ola bilər. Ancaq Paşinyan özü məsələnin bu vəziyyətə düşməsinə şərait yaratdı”.

Səfir qeyd edib ki, münaqişənin daha da alovlanmaması üçün problemi tez zamanda həll etmək lazımdır:

“ATƏT-in Minsk Qrupunun 30 ilə yaxındır göstərdiyi təşəbbüs heç bir nəticə vermir. Buna görə də problemin həlli istiqamətində Minsk Qrupu həmsədrləri üçün yeni və yaradıcı fikirlər irəli sürməyə çağırırıq. Münaqişənin Azərbaycanın ərazi bütövlüyü və beynəlxalq hüquqa uyğun olaraq həli üçün Ermənistana qarşı müəyyən təzyiqlər tətbiq olunmalıdır. Ortada açıq şəkildə ədalətsizlik, beynəlxalq hüquqa zidd əməllər və BMT-nin həyata keçməyən qətnamələri var”.