Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
28 Sentyabr 2020


Qarabağa yeni köç cəhdi: Bakı nə edə bilər? - Video

Ana səhifə Siyasət
12 Punto 14 Punto 16 Punto 18 Punto

14:18

Beyrutda baş verən dəhşətli partlayışdan zərər çəkən Livan erməniləri dünyanın istənilən nöqtəsinə, hətta Ermənistana belə köçə bilərlər. Lakin İrəvanın bu erməniləri işğal edilmiş Azərbaycan torpaqlarına köçürməsi beynəlxalq hüquqa ziddir.

Bunu Axar.az-a açıqlamasında beynəlxalq hüquq üzrə professor Fərhad Mehdiyev Livanın paytaxtı Beyrut şəhərində baş verən dəhşətli partlayışdan sonra Livandan ermənilərin Qarabağ və ətraf rayonlara köçürülməsi ilə bağlı səslənən iddiaları şərh edərkən deyib.

O bildirib ki, İrəvanın bu erməniləri “müvəqqəti” adı altında ölkəyə dəvət edib Azərbaycanın işğal altındakı Dağlıq Qarabağ bölgəsinə yerləşdirməsi Vyana Konvensiyasının tələblərinə kobud şəkildə pozmaqdır:

“Ermənistan bu yolla növbəti dəfə beynəlxalq hüququ pozmuş olacaq. Heç bir ölkə işğal edilən ərazilərə əhalinin say tərkibini dəyişmək üçün başqa xalqları və ya öz yerli əhalisini köçürə bilməz”.

Professorun sözlərinə görə, Azərbaycan işğal altındakı torpaqlara kütləvi erməni köçünün qarşısını almaq üçün bütün hüquqi yollara əl atmalıdır:

“Təəssüf ki, Ermənistan bundan öncə də işğal altındakı Dağlıq Qarabağa ermənilərin köçürülməsi üçün işlər görüb. Azərbaycan hazırkı vəziyyətdə bütün hüquqi yollara əl atmalıdır. Rəsmi Bakı məsələ ilə bağlı Ermənistanı Haaqa Məhkəməsinə verə bilər. Çünki bir daha qeyd edirəm, Ermənistanın Livanda zərər çəkən erməniləri Dağlıq Qarabağa köçürməsi Vyana Konvensiyasına ziddir. Digər tərəfdən, məsələ ilə bağlı Livan dövlətinə müraciət etmək olar. Hansı ki, bu ermənilər Livanın vətəndaşlarıdır və rəsmi Beyrut öz vətəndaşları üzərində təsir mexanizmini işə salmalıdır.

Azərbaycan bu məsələni Avropa Şurası və BMT-nin müvafiq sessiyalarında dilə gətirib, Ermənistana qarşı qətnamə qəbul etdirə də bilər. Yəni nəticə etibarilə bu, çox ciddi bir məsələdir və ilk növbədə, bütün hüquqi yollarla Ermənistanın işğal altındakı Dağlıq Qarabağa Livan ermənilərini köçürməsinin qarşısı alınmalıdır”.

Tarix
2020.08.11 / 16:05
Müəllif
Turan Rzayev
Şərhlər
Digər xəbərlər

İlham Əliyevin qətiyyətli mövqeyi... – Kılıç

Ceyhun Bayramov ABŞ dövlət katibinin müavini ilə danışdı

İlham Əliyev erməni təxribatı ilə bağlı paylaşım etdi - Foto

ABŞ-dan Qarabağ bəyanatı: Gərginlik...

Ombudsman beynəlxalq təşkilatlara müraciət etdi

Torpaqlarımızı azad edəcəyik – Mehriban Əliyeva

Paşinyan Makronla danışdı

Estoniyadan Qarabağ açıqlaması

Ordumuz bütün cəbhə xətti boyu əməliyyata başlayıb – Səfir

Savelyevdən Qarabağ açıqlaması: Kremlin mövqeyi...

KULT
Xəbər xətti
 
yatsan
Axar.az'da reklam Bağla
Reklam
Bize yazin Bağla