Azərbaycan və Gürcüstan arasında sərhədlərin delimitasiyası üzrə komissiya işini davam etdirir.

Axar.az Report-a istinadən xəbər verir ki, bu barədə Azərbaycanın Xarici İşlər naziri Ceyhun Bayramov gürcüstanlı həmkarı David Zalkaliani ilə keçirdiyi birgə brifinqdə bildirib.

Onun sözlərinə görə, bu məsələ və müzakirələr mütəxəssislər və peşəkarların ixtiyarına buraxılmalıdır:

“Bu kimi məsələlərin müzakirəsində mütəxəssislərin işi üçün münbit şərait olmalıdır. Hər hansı bir spekulyasiya və siyasi bəyanatlar işin gedişinə mənfi təsir göstərir. Belə olanda münsasibətlərə mənfi təsir etmək istyən qüvvələr bundan süni şəkildə istifadə etməyə çalışırlar. Bu məsələyə çox həssas və məsuliyyətli olmağa dəvət edirəm”.