Ermənistanın son zamanlar Azərbaycan torpaqlarına etdiyi hücum və provokasiyalar beynəlxalq hüquq normalarına ziddir.

Axar.az xəbər verir ki, bu sözləri Pakistanın Azərbaycana yeni təyin olunmuş səfiri Bilal jurnalistlərlə görüşü zamanı deyib. Onun sözlərinə görə, Pakistan erməni tərəfinin bu addımını şiddətlə qınayır:

"Biz həmişə qardaş Azərbaycanın yanındayıq. Bu münaqişənin BMT qətnamələri əsasında həll edilməsinin tərəfdarıyıq. Onu da qeyd edim ki, 1993-cü ildə bu qətnamələr qəbul olunanda Pakistan BMT-yə rəhbərlik edirdi və qətnamələr 15 səs lehinə və 0 səs əleyhinə olmaqla qəbul olunmuşdur”.