Erməni əsilli ukraynalı tarixçi-tədqiqatçı Filip Ekozyans Rusiyanın aparıcı erməni lobbiçilərindən olan mediamaqnat Aram Qabrelyanova cavab verib.

Kult.az xəbər verir ki, sosial şəbəkələrdə onu “erməni xaini” kimi tanımağa çağıran yazıya cavab olaraq Ekozyans əslində, Ermənistan tarixini təhrif edərək, erməniləri qonşularına yağı düşmən edənlərin xain olduğunu bildirib.

“Nəsillər boyu yalanı udaraq özünü və ətrafındakı hər kəsi məhv etməkdənsə, bir neçə il həqiqətlə yaşamaq, ya da heç olmasa, onun axtarışında yaşamaq daha yaxşıdır.

Sizin barədə mediada yazılanlar ilə tanış oldum və çox şadam ki, haqqınızda bu cür də olsa öyrəndim. Buna cavab olaraq sizə bir şeyi demək istəyirəm. Aram, sizin əlinizdə xalqımızı üç əsr boğulduğu yalan baramasından azad edə bilən mexanizm var. Xalqınıza həqiqətən kömək etmək üçün imkanlarınızdan istifadə edin. Yəqin ki, haqqımda sosial şəbəkələrdəki isterik şərhləri oxumaq əvəzinə əsərlərimlə şəxsən tanış olmaq üçün kifayət qədər səbir və müdrikliyiniz var. Əminəm ki, bundan sonra ictimaiyyət qarşısında məndən üzr istəyəcəksiniz və biz birlikdə Azərbaycan çayı içəcəyik”, - deyə Ekozyans bildirib.