Azərbaycanın bütün (işğal altında olan) rayonları boşaldılmalıdır. Bütün. Əlbəttə ki, biz vaxt çərçivəsindən danışa bilərik və əsas prinsiplərdə vaxt çərçivəsi ilə bağlı müəyyən fikirlər var idi. Hansı mərhələdə rayonların birinci, hansı mərhələdə rayonların ikinci hissəsi boşaldılacaq. Beləliklə bunu müzakirə etmək olar. Lakin aydındır ki, işğal olunmuş bütün ərazilər qaytarılmalıdır.

Axar.az xəbər verir ki, bu sözləri Prezident İlham Əliyev "Nikkei" qəzetinə müsahibəsi zamanı jurnalistin "Ermənistan desə ki, onlar ilkin olaraq beş rayonu boşaltmağa hazırdır, siz danışıqlara getməyə hazır olarsınızmı? sualına cavabında deyib.

Prezident bidirib ki, bütün azərbaycanlılar öz qədim torpaqlarına qayıtmalıdır.