Hər şey artıq bitib. Paşinyanın dünən “30 nəfərlik qruplar yaradın, özünüzə komandir seçin, gedin döyüşün” deməsi 1945-ci ilin aprel ayında Hitlerin əli əsə-əsə gənc, hətta uşaq olan almanlara, Hitler-Jugend üzvlərinə medal taxıb ölümə göndərdiyi mənzərəyə çox oxşayırdı.

Axar.az xəbər verir ki, bu fikirləri ekspert Natiq Cəfərli deyib.

“Erməni milləti Ermənistandan başqa dünyanın hər yerində yaxşı yaşayır. Dünya erməniləri “ofis” kimi işlətdikləri Ermənistanı öz absurd və axmaq “ideologiyalarının”, “Böyük Ermənistan” xülyalarının girovuna çeviriblər və indi bu “ofis-ölkə” bunun ağrısını, acısını yaşayır.

Ağılları olsa, bunu anlaya, 3 addım önü görməyə başlaya, Cənubi Qafqazın bir parçasına çevrilib normal yaşayarlar. İşğalçı və sarsaq siyasətlərindən əl çəksələr, gələcəkdə Cənubi Qafqazın inkişaf etmiş ölkəsinə çevrilə bilərlər – Azərbaycanın və Türkiyənin iqtisadi gücü Ermənistana da bəs edər, kiçicik iqtisadiyyatlarını dirçəltmək çətin deyil, təki adam olsunlar, özlərinə yazıqları gəlsin, gələcəklərini məhv etməsinlər“, - o bildirib.