Azərbaycan Prezidenti İlham Əliyevin ABŞ-ın “Foks Nyus” televiziya kanalına müsahibəsində Gürcüstan ilə bağlı fikirləri bu ölkənin mətbuatının əsas xəbər başlıqlarına çevrilib.

Axar.az xəbər verir ki, report.ge, interpressnews.ge, sputnik-georgia.ru, 24nyus.ge, apsny.ge, nyusday.ge, palitranyus.ge informasiya agentlikləri Prezident İlham Əliyevin təkcə “Fox News” kanalına deyil, dünyanın bir sıra aparıcı KİV-lərinə müsahibələrindən də fikirlər dərc ediblər.

Materiallardan Azərbaycan Prezidentinin bu fikirlərinə xüsusilə önəm verilir: “Mən Cənubi Qafqaz regionunun dərindən inteqrasiya olunmasını, digər Cənubi Qafqaz ölkəsi olan Gürcüstanla strateji münasibətlərimizin gələcəkdə müəyyən vaxtda Azərbaycan və Ermənistan arasında münasibətlər üçün müəyyən mənada örnək ola bildiyini görmək istəyirəm. Çünki bütün müharibələr dayanır və sülh gəlir”.

Qeyd edək ki, bu gün Gürcüstan mətbuatında bu mövzuda 20-dən çox material dərc olunub.