Ermənistan Baş naziri Nikol Paşinyan Rusiya Prezidenti Vladimir Putinə müraciət edərək, Ermənistanın təhlükəsizliyinin təmin edilməsi üçün məsləhətləşmələrin başladılmasını xahiş edib.

Axar.az xəbər verir ki, bu məlumatı Ermənistan Xarici İşlər Nazirliyi yayıb. Nazirlik Paşinyanın məktubunda Dağlıq Qarabağdakı situasiyanı detallı şəkildə Putinə anlatdığını bildirib.

Paşinyan Putindən 1997-ci il 29 avqustunda imzalanan “Dostluq, Əməkdaşlıq və Qarşılıqlı Fəaliyyət haqqında” razılaşmaya əsaslanaraq, Rusiyanın Ermənistanın təhlükəsizliyini təmin etməsi ilə bağlı hansı həcmdə yardımı təqdim edə biləcəyi ilə bağlı müzakirələrə başlanmasını xahiş edib.