Bizim hansısa konvensiyanı imzalamağımız və ya imzalamamağımız faktı bizim o silahdan istifadə etməyimiz və ya etməməyimiz anlamına gəlmir. Bizim kifayət qədər silah-sursatımız var.

Axar.az xəbər verir ki, bu sözləri Prezident İlham Əliyev Almaniyanın ARD telekanalına müsahibəsində Azərbaycanın BMT-nin kassetli silahları haqqında konvensiyasını niyə imzalamadığına dair suala cavabında bildirib.

Dövlətimizin başçısı deyib: “Bizim müasir silahlarımız var və biz onları döyüş meydanında nümayiş etdiririk. Bizim etdiklərimiz budur, biz əraziləri bombalarla azad etmirik, biz əraziləri, kəndləri, şəhərləri bir-birinin ardınca işğaldan azad edən və Azərbaycan bayrağını ucaldan döyüşçülərimizlə azad edirik. Bu, belə edilir”.