Ermənistanın hərbi-siyasi rəhbərliyi çıxılmaz vəziyyətdə olduqlarını anlamağa başlayır. Bir tərəfdən rəşadətli Azərbaycan Ordusu inamla irəliləyir, digər tərəfdən isə Ermənistan iqtisadiyyatının tənəzzülü dərinləşir.

Axar.az xəbər verir ki, bu fikirləri millət vəkili, iqtisadçı-alim Vüqar Bayramov deyib.

"Paşinyan yenidən Rusiya Prezidentinə müraciət edib. Ermənistan baş naziri şimal qonşumuzun rəhbərindən yenə də köməklik istəyib. Bu dəfə müraciətini yazılı edib. Deyəsən, anlayıb ki, zəngləri ilə aparıcı ölkə liderlərini narahat edir, başlayıb məktub yazmağa”, - millət vəkili qeyd edib.

V.Bayramov bildirib ki, işğalçı ölkəni postsavaş dövründə ciddi iqtisadi-sosial çətinliklər gözləyir. Ötən həftə borclanma limitini artıran düşmən ölkədə xarici borcun ümumi daxili məhsulda payı artıq 70 faizi keçib. Beynəlxalq qiymətləndirici təşkilatlar Ermənistanın kredit reytiniqini də aşağı salıblar.