Axar.az
Yuxarı

Axar.Az Logo

Ona görə məğlub olduq ki... - Naqdalyan

Ana səhifə Siyasət
12 Punto 14 Punto 16 Punto 18 Punto

Ermənistanın İkinci Qarabağ müharibəsindəki məğlubiyyəti Azərbaycanın yeddi rayonunu “təhlükəsizlik zonası” kimi ələ keçirməsinin nəticəsidir.

Ахаr.az xəbər verir ki, bu sözləri erməni ekspert Eduard Nağdalyan deyib.

Onun sözlərinə görə, 1994-cü ildə Ermənistan hakimiyyəti bu yeddi rayonun Dağlıq Qarabağın statusu ətrafında gələcək sövdələşmə üçün nəzərdə tutulduğunu etiraf etsə də, onlar anlamırdı ki, torpaq ticarətinin davam etdirilməsi Ermənistanı qonşu dövlətin ərazi bütövlüyünə qəsd edən işğalçı ölkəyə çevirir:

“Nəticədə variantların ən pisi — status-kvonun qorunub saxlanılması seçildi. Bu, Ermənistanın xarici siyasətinin nəhəng, faciəli səhvi idi. Biz özümüzü elə aparırdıq ki, guya regiona nəzarət edən hərbi superdövlətik. Başa düşmürdük ki, 1994-cü ildəki hərbi qələbənin Azərbaycanla sülh müqaviləsinə çevrilməsi məsələsini dərhal həll etmədən avtomatik olaraq gələcəkdəki partlayışın əks-sayımına başlayırıq. Bax, onda indiki müharibəni uduzduq. Dünya bu fəlakətli məsuliyyətsizliyi anlaşılmazlıqla qarşılayırdı, lakin biz odla oynamağa davam etdirirdik”, - o bildirib.

Nağdalyan Ermənistanın səhvlərini bir-bir sadalayaraq, erməni cəmiyyətində formalaşdırılan fikirləri tənqid edib:

“Taymer 2020 il 27 sentyabr tarixində işlədi. Məğlubiyyətimiz qaçılmaz idi. Bunun günahkarları vaxtilə Heydər Əliyevlə razılaşmayan rəhbərlərimizdir, 25 il ərzində danışıqları imitasiya edən kəndçi liderlərimizdir. Bundan əlavə, 25 il xalqı “düşmənə bir qarış torpaq belə verməyəcəyik” “patriotik” şüarı ilə zəhərləyən bütün erməni siyasi partiyaları, ekspertlər və Ermənistanın KİV-i günahkardır. Azərbaycan torpaqlarının bir qarışı belə Azərbaycana verilməməlidir? Bu, xəstəlikdir... Vaxt keçəndən sonra Paşinyan Ermənistanın ağır mirasını alaraq bu siyasi tələdən çıxa bilmədi. Biz tarixən qaçılmaz hərbi məğlubiyyətə məhkum olmuşuq. Xarici siyasətdəki səhvlərimizin bədəlini ödəyirik”.

Tarix
2020.11.30 / 14:51
Müəllif
Fatimə Zülfüqar
Şərhlər
Digər xəbərlər

Bayramovla bunu müzakirə etdik - Zalkaliani

Bayramov gürcü həmkarını təbrik etdi

Paşinyanın Araiki TŞ-yə dəvət etməsinin səbəbi - Video

İngiltərədən Azərbaycana qələbə təbriki

Zakir Həsənov səfirlə əməkdaşlığı müzakirə etdi

Bakıdan AP-yə: İlham Əliyev bunu tarixin zibilliyinə yolladı

Türk ölkəsi Bakının bu layihəsinə də qoşulsa... - Video

Prezidentin mesajı: Zərif buna görə gəlir

Baydenin Bakıya münasibəti: “sürpriz” olacaq? - Politoloq

Bakı və Aşqabadın tarixi anlaşması: dostluq əhdi...

KULT
<>
Xəbər xətti
 
  
  
  
yatsan
Axar.az'da reklam Bağla
Reklam
Bize yazin Bağla