Axar.az
Yuxarı

Rusiya türk ölkəsini hədələyir: Torpaqlarımızı geri alarıq!

Ana səhifə Siyasət
12 Punto 14 Punto 16 Punto 18 Punto

Rusiyalı deputatlar Qazaxıstan əleyhinə arda-arda açıqlamalar verirlər. Onların sözlərinə görə, Qazaxıstan adında dövlət olmayıb və bu dövlət Rusiya torpaqları üzərində qurulub. Deputatlardan biri isə Qazaxıstanı açıq şəkildə hədələyib və “elə etməyin ki, torpaqlarımızı geri alaq” deyib.

Axar.az xəbər verir ki, bu sözləri politoloq Elxan Şahinoğlu deyib.

O bildirib ki, rusiyalı deputatların bu ölkəni hədələməsi anlaşılan deyil:

“Qazaxıstan Rusiyanın müttəfiqidir, Moskvanın təsis etdiyi Kollektiv Təhlükəsizlik Müqaviləsi Təşkilatının və Avrasiya İqtisadi Birliyinin üzvüdür. Qazaxıstan Rusiyanın maraqları əleyhinə Qərb ölkələri ilə sıx əlaqələr qurmayıb ki, deyəsən Moskva buna görə Nur-Sultanı hədələyir. Qazax dostlarım məndən soruşurlar ki, bu, Azərbaycanın Ermənistan üzərində qələbəsiylə əlaqəli ola bilərmi? Əlaqə görmürəm. Çünki rəsmi Nur-Sultan aşkar şəkildə Azərbaycanı dəstəkləmədi ki, Moskva Qazaxıstan hakimiyyətinin bu siyasətindən narazı qalsın. Halbuki qazaxların mütləq əksəriyyətinin bizə böyük simpatiyası var”.

Politoloq deyib ki, Rusiya rəsmiləri və deputatları həqiqətən Qazaxıstanın Rusiya torpaqları üzərində qurulduğuna inanır:

“Ancaq bəziləri bunu açıq dilə gətirir, digərləri isə Nur-Sultanın xətrinə dəyməmək üçün düşüncələrini səsləndirmirlər. SSRİ-nin son illərində rusların əfsanəvi yazıçısı Aleksandr Soljenitsın da “Komsomolskaya pravda” qəzetində təxminən bir səhifəlik yazısında iddia edirdi ki, Qazaxıstanın az qala yarısı Rusiyaya aiddir. Elə Rusiya Prezidenti Vladimir Putin də bir neçə il əvvəl açıqlamasında demişdi ki, Nursultan Nazarbayev olmasaydı, Qazaxıstan adında dövlət olmazdı. Putin bununla guya Nazarbayevi tərifləyirdi, ancaq həmin cümlədə rəsmi Nur-Sultana xəbərdarlıq var idi. Yəni Putin də Qazaxıstanı hədələyən deputatlar kimi düşünür.

Nur-Sultan daha nə etməlidir ki, rusiyalı rəsmilər və deputatlar bu ölkəyə ərazi iddialarından əl çəksinlər? Rusiya Krımı ilhaq edəndə belə Nur-Sultan bunun əleyhinə açıqlama vermədi, hətta Krım tatarlarının lideri Mustafa Cəmiloğlu Qazaxıstan hakimiyyətinin siyasətini anlamadığını bildirdi. Moskvanın siyasəti bir daha sübut edir ki, Rusiyaya müttəfiqlər yox, vassallar lazımdır. Qazaxıstan hakimiyyəti və cəmiyyəti isə Rusiyadan çəkinməkdənsə, müstəqil xarici və təhlükəsizlik siyasətinə üstünlük verməlidir. Rusiya real güclə hesablaşır. Bu Azərbaycan üçün də keçərlidir. Ukraynadan çox Rusiyaya yaxın dövlət yox idi, başına nələr gətirdi. Bu gün Belarusda hakimiyyətə fərqli qüvvələr gəlsə, Moskva “qardaş” adlandırdığı növbəti ölkənin də parçalanması prosesinə başlayacaq”.

Tarix
2020.12.29 / 13:14
Müəllif
Gülnarə Kazımova
Şərhlər
Digər xəbərlər

Bayramov BMT nümayəndəsi ilə görüşdü

Erməni politoloqun iddiası: Bolton planı və Bakının rolu

Fərhadov Pakistan prezidenti ilə görüşdü

Sülh müqaviləsi müzakirə edilir? – Detallar məlum oldu

Bakı və İrəvana bu təklif göndərilib - Zaxarova

AŞ PA-dan İrəvana çağırış: Mina xəritələrini ver!

Xankəndiyə qanunsuz səfər edən fransalı deputatlar... - Nazir

XİN fransalı merin adını qara siyahıya salacaq

Ceyhun Bayramov Aİ-nin xüsusi nümayəndəsi ilə görüşdü

Türk Dövlətləri Birliyi: yeni regional güc yaranır

KULT
<>
Xəbər xətti
  
  
  
yatsan
Axar.az'da reklam Bağla
Reklam
Bize yazin Bağla