Pakistan və Azərbaycanın XİN başçıları neft və qaz, kənd təsərrüfatı, dəmir yolu və təhsil sahələrindəki əməkdaşlığın genişlənməsi imkanlarını müzakirə edəcəklər.

Axar.az Report-a istinadən xəbər verir ki, bu barədə Pakistan Xarici İşlər Nazirliyinin yaydığı açıqlamada qeyd olunub.

“Azərbaycan Cənubi Qafqazın əsas ölkəsi və Pakistanın əzəli dostu və tərəfdaşıdır. Ölkələr tarixi, dini və mədəni əlaqələrə əsaslanan nümunəvi münasibətlərə malikdirlər”.

Pakistan XİN-in məlumatında Azərbaycanın Kəşmir məsələsindəki mövqeyi də vurğulanıb: “Azərbaycan İslam Əməkdaşlığı Təşkilatının Cəmmu və Kəşmir məsələləri üzrə Təmas qrupunun üzvü olaraq Kəşmir xalqının haqlı və legitim davasını qətiyyətlə dəstəkləyir”.

Eyni zamanda 2010-cu ildən bəri Azərbaycanın xarici işlər naziri səviyyəsində Pakistana ilk səfərinin həyata keçiriləcəyi də vurğulanıb.