İkinci Qarabağ savaşından qalib çıxmışıq. Ancaq qələbəmizin möhkəmləndirilməsi, ərazi bütövlüyümüzün tam bərpası üçün siyasi-diplomatik, eyni zamanda keçmiş məcburi köçkün soydaşlarımızın azad olunmuş torpaqlara Böyük Qayıdışıyla bağlı iqtisadi-sosial sahədə qarşımızda böyük vəzifə və çətinliklər durur.

Axar.az xəbər verir ki, bu sözləri Moderator.az-a açıqlamasında sabiq prezident Ayaz Mütəllibov deyib.

A.Mütəllibov qeyd edib ki, indki zamanda hamı, hər bir vətəndaş milli hədəflər mənasında Prezidentin, Ali Baş Komandanın tapşırıq və tövsiyələrinə uyğun nəticə çıxarmalı və onun daxili və xarici siyasətini dəstəkləmək üçün konkret addımlar atmalıdır.