Axar.az
Yuxarı

Axar.Az Logo

Tonoyanın Qarabağ etirafının səbəbi

Ana səhifə Siyasət
12 Punto 14 Punto 16 Punto 18 Punto

Rusiyanın müharibə zamanı Ermənistana yardım etməsi sirr deyil. Ermənistanın keçmiş müdafiə naziri David Tonoyanın bu haqda indi danışması suyu bulandırmaqdır. O ki qaldı həmin yardımlara, Tonoyan ürək edib bu haqda ətraflı danışmadı. "Aydın səbəblər ucbatından bütün detalları açmayacağam" deyərək oxu atıb, yayı gizlətdi.

Bu sözləri Axar.az-a Qlobal və Regional Təhlükəsizlik Problemləri Mərkəzinin rəhbəri, politoloq Qabil Hüseynli Ermənistanın keçmiş müdafiə naziri David Tonoyanın II Qarabağ müharibəsində Rusiyanın Ermənistana yardım etməsinə eyham vurması haqda danışarkən deyib.

Politoloq qeyd edib ki, Kreml Qarabağ münaqişəsinin aktiv fazaya keçəcəyini və müharibə başlayacağını bilirdi:

"Buna görə də istər Azərbaycan, istərsə də Ermənistanla münasibətləri qorumağa çalışırdı. Rəsmi Moskva iki ölkəni də itirə bilməz. Buna görə də tərəf tutmamalı idi. Təbii olaraq hər iki ölkəyə də eyni cür yanaşmaq məcburiyyətində idi. Görünüşdə Rusiya Azərbaycana da, Ermənistana da eyni gözlə baxır. Lakin pərdəarxasında bunun belə olmadığını hər kəs yaxşı bilir. Təsadüfi deyil ki, 44 günlük müharibədən əvvəl Rusiya Ermənistana hava hücumundan müdafiə sistemləri yerləşdirdi. Kreml bu əməlini Ermənistana silah yardımı olaraq deyil, KTMT ölkələrinin hava hücumundan müdafiə qurğularının yerləşdirmə planının ilk mərhələsi olaraq açıqlamışdı. Lakin bununla belə, müharibədən öncə Rusiyadan Ermənistana külli miqdarda silah gətirildi. Rəsmi İrəvan məhz bu yardımlar nəticəsində 44 gün Azərbaycan Ordusuna qarşı müqavimət göstərə bildi. Müharibədən öncə bütün hərbi ekspertlər Ermənistan ordusu ilə Azərbaycan Ordusu arasında fərqin çox olduğunu, rəsmi İrəvanın bu ordu ilə 10 gün belə müqavimət göstərə bilməyəcəyini deyirdilər. Lakin bütün yardımlara baxmayaraq, Azərbaycan tarixi bir qələbə qazandı".

Politoloqun sözlərinə görə, Rusiyanın Ermənistana müharibə zamanı hansı yollarla silah yardımı etməsi bu gün belə mübahisəli mövzudur:

"Rusiya müharibə zamanı Ermənistana 500 ton silah yardımı edib. Bununla bağlı əlimizdə peyk görüntüləri, əks-kəşfiyyat məlumatları və Türkiyə kəşfiyyat xidməti MİT-in bilgiləri var. Düzdür, rəsmi Moskva bu silahların Rusiyanın Gümrüdəki hərbi bazasının yenidən qurulması üçün göndərildiyini açıqlasa da, bu, 500 ton yükün silah olmadığını sübut etmir".

Tarix
2021.01.26 / 09:07
Müəllif
Turan Rzayev
Şərhlər
Digər xəbərlər

"Atlantico": Fransa Xocalı soyqırımını tanıyaraq...

Moskvada Qarabağla bağlı mühüm görüş

Şarl Mişel Tiflisə gəldi

Bussua: Azərbaycan "Qafqazın əjdahası"na çevrilib

XİN-dən İrəvana cavab: Gələcəyinin üzərindən xətt çəkir

Ukrayna KİV prezidentin mətbuat konfransını geniş dərc etdi

Sərkisyan Paşinyanı ikinci dəfə rədd etsə... - Politoloq

Əliyev-Ərdoğan qardaşlığı gücümüzü artıracaq - TBMM

İrəvana xəbərdarlıq: Hərbçiləri ərazimizdə yerləşdirsəniz... - XİN

Azərbaycanlılar bu qırğını heç vaxt unutmayacaq - İsrail nəşri

KULT
<>
Xəbər xətti
 
  
  
  
yatsan
Axar.az'da reklam Bağla
Reklam
Bize yazin Bağla