Axar.az
Yuxarı

Axar.Az Logo

Sərkisyanın etirafı: onlar buna görə öldürülüb - Paşayeva

Ana səhifə Siyasət
12 Punto 14 Punto 16 Punto 18 Punto

Azərbaycan və Pakistan parlament dostluq qruplarının Xocalı soyqırımının 29-cu ildönümünə həsr olunmuş videogörüşü keçirilib.

Axar.az xəbər verir ki, videogörüşdə Azərbaycan-Pakistan parlamentlərarası əlaqələr üzrə işçi qrupunun rəhbəri Qənirə Paşayeva, Pakistan Senatının və Milli Assambleyasının Azərbaycanla dostluq qrupunun üzvləri və iştirakçıları iştirak edib.

Q.Paşayeva bildirib ki, Xocalı soyqırımı hər zaman bizim qəlbimizdə bir ağrıdır:

"Erməni silahlı qüvvələri uşaq, qadın, yaşlı demədən bizim soydaşlarımızı qətlə yetirib, ağır işgəncələrə məruz qoyublar. Xocalı şəhəri yer üzündən silinib. Onlar məhz azərbaycanlı olduqlarına görə qətlə yetiriliblər. Ermənistanın sabiq prezidenti Serj Sərkisyan britaniyalı jurnalist Tomas de Vaalın kitabında bu insanları məhz azərbaycanlı olduqlarına görə qətlə yetirdiklərini etiraf edib".

Deputat diqqətə çatdırıb ki, bizim əsas məqsədimiz bu soyqırımı törədənlərin ədalət qarşısında cavab verməsidir:

"Bu soyqırımı azərbaycanlılara qarşı törədilməklə insanlıq əleyhinə bir cinayətdir. Dünyanın bu soyqırımı tanıması, həqiqətləri bilməsi üçün qardaş və dost ölkələrə ehtiyacımız var. Bu baxımdan Pakistana təşəkkür edirik ki, bu qardaş ölkə həmişə Azərbaycanın yanında olub. Biz bu mənəvi və siyasi dəstəyin davamlı olacağına inanırıq".

Qənirə Paşayeva Ali Baş Komandan İlham Əliyevin rəhbərliyi ilə 44 günlük müharibə zamanı işğaldan azad olunmuş torpaqlarımızda ermənilərin törətdiyi vandalizmi öz gözləri ilə görmələri üçün pakistanlı deputatları ölkəmizə səfərə dəvət edib.

Çıxış edən Pakistan Milli Assambleyasında Azərbaycanla dostluq qrupunun üzvləri, xanım Şaza Xavaca, Farrux Xan bildiriblər ki, ermənilərin Azərbaycana qarşı törətdiyi Xocalı soyqırımı ilə bağlı Pakistan bir sıra bəyanatlarla çıxış edib.

Milli Assambleyanın üzvləri Xocalı soyqırımı zamanı qətlə yetirilmiş azərbaycanlılara Allahdan rəhmət diləyiblər, bu ağır cinayəti törədənlərin cəzalarına çatacağına əminliklərini qeyd ediblər.

Pakistanlı deputatlar beynəlxalq təşkilatlarda Pakistana verilən dəstəyə görə Azərbaycana təşəkkür ediblər.

Görüşdə çıxış edən Milli Məclisin deputatları Ceyhun Məmmədov, Cavanşir Paşazadə, Mahir Abbaszadə, Sadiq Qurbanov, Ülviyyə Həmzəyeva bildiriblər ki, Azərbaycan bir tolerantlıq nümunəsidir. Ermənistan isə işğal etdiyi Azərbaycan torpaqlarında məscidləri, tarixi abidələri məhv edib.

Deputatlar vurğulayıblar ki, Xocalı soyqırımı heç vaxt unudulmayacaq, Azərbaycan xalqının qan yaddaşında əbədi qalacaq.

Görüşdə çıxış edən Senatda Pakistan-Azərbaycan dostluq qrupunun rəhbəri Talha Mahmud, senatorlar Şahzad Vasim, Ayeşa Raza Faruq və Nuzhat Sadiq bildiriblər ki, Xocalı soyqırımı tarixin qara ləkəsidir: "Erməni silahlı qüvvələrinin günahsız mülki vətəndaşları öldürməsi bəşəriyyətə qarşı törədilmiş cinayətdir, soyqırımıdır. Bir sıra ölkələr, o cümlədən Pakistan bunu soyqırımı kimi qəbul edib".

Senatorlar qeyd ediblər ki, Pakistan həmişə qardaş Azərbaycanın yanında olub və bundan sonra da olacaq.

Pakistanlı parlament nümayəndələri Azərbaycana sülh, əmin-amanlıq və tərəqqi arzulayıblar.

Onlayn tədbirə yekun vuran Azərbaycanın Pakistandakı səfiri Əli Əlizadə bu görüşə göstərilən diqqətə görə hər iki tərəfin deputatlarına təşəkkür edib.

Tarix
2021.02.24 / 17:06
Müəllif
Axar.az
Şərhlər
Digər xəbərlər

Bu ölkəni Qarabağdakı bərpaya yaxın buraxmaq olmaz

Batya Bakıdan ayrılan kimi niyə Putinə zəng etdi?

Lukaşenko sirləri açdı: Əliyev İrəvana pul təklif etmişdi - Video

Şəfiyevdən Paşinyana cavab

Rusiya Azərbaycanla sərhəddə baza açır: Hədəfi nədir? - Video

ABŞ nəşri Əliyevin çıxışından yazdı

Erməni mediası təsdiqləyir: Əliyevlə Paşinyan razılaşıb...

Bunu Azərbaycanla bölüşməyə hazırıq - Lukaşenko

Ermənistan mənim tələblərimə qulaq assaydı... - Əliyev

Faşistlər Bakı neftinə ona görə can atırdılar ki... - Lukaşenko

KULT
<>
Xəbər xətti
  
  
  
yatsan
Axar.az'da reklam Bağla
Reklam
Bize yazin Bağla