“İskəndər” raketləri Azərbaycanı vura bilmədi, amma Ermənistanı vurdu.

Axar.az xəbər verir ki, bu barədə ölkə mətbuatına açıqlamasında türkiyəli hərbi və təhlükəsizlik üzrə ekspert Abdullah Ağar deyib.

“Nikol Paşinyanın “İsgəndər” açıqlaması Rusiyanı narahat etdi. Hazırda ölkədə Paşinyanın istefası tələb olunur. O, böyük hiyləgərliklə bunu hərbi çevriliş olaraq göstərərək, xalqı küçələrə çağırıb, ordu üzərində hakimiyyətini möhkəmləndirmək üçün istifadə etdi. Lakin bu məqamda həlledici amil Rusiya olacaq.

Məsələyə ABŞ müdaxilə edə bilər, amma Rusiya buna icazə verməz. Paşinyan belə bir səhv etsə, Moskva onun kəlləsini alar”, - Ağar bildirib.