Millət vəkili Qənirə Paşayeva qardaş Türkiyənin "Haber Türk", "A Haber" və "Haber Global" televiziya kanallarının Xocalı soyqırımının 29-cu ildönümünə həsr etdiyi proqramlarda çıxış edib.

Axar.az xəbər verir ki, komitə sədri onlayn rejimdə qatıldığı proqramlarda 29 il öncə Xocalı soyqırımına aparan hadisələrdən, xalqımızın yaşadığı ağır faciənin insanların, ailələrin, cəmiyyətin həyatında iz salmış dərin ağrılarından danışıb.

Q.Paşayeva qardaş Türkiyənin hər zaman Azərbaycanın yanında olduğunu, xalqımızın haqlı mövqeydini müdafiə etdiyini və 44 günlük Vətən müharibəsi dönəmində bunun parlaq şəkildə özünü göstərdiyini minnətdarlıqla qeyd edib.

“Biz Xocalıya ədalət istəyirik. Biz həmişə sülhün, birgəyaşayışın, istiqrarın, əmin-amanlığın tərəfdarı olmuşuq. Xocalı soyqırımı canilərinin öz haqq etdikləri cəzanı almaları dünyada bir daha soyrıqımlar olmamamsı üçün çox vacibdir”.