Gürcüstanın xarici işlər naziri David Zalkaliani ilə ABŞ-ın dövlət katibi Entoni Blinken arasında telefon danışığı olub.

Axar.az xəbər verir ki, bu barədə D.Zalkaliani Tvitter səhifəsində yazıb.

Zalkaliani bildirib ki, söhbət zamanı Gürcüstanda və bölgədə təhlükəsizlik, ABŞ-la strateji tərəfdaşlığın perspektivləri və Gürcüstanda demokratik konsolidasiya məsələləri müzakirə olunub.

Onun sözlərinə görə, ABŞ-ın Gürcüstanın ərazi bütövlüyünə, həmçinin Avroatlantik strukturlara inteqrasiyasına qətiyyətli dəstəyi mühüm əhəmiyyət kəsb edir.

D.Zalkaliani Gürcüstanın tərəfdaşlığın daha da gücləndirilməsi üçün Bayden administrasiyası ilə sıx əməkdaşlığa ümid etdiyini vurğulayıb.