Ana səhifə Siyasət |
Gürcüstan və Azərbaycan birgə regional layihələr həyata keçirməyi davam etdirəcək.
Axar.az xəbər verir ki, bu sözləri Gürcüstanın Baş naziri İrakli Qaribaşvili özünün Feysbuk səhifəsində Azərbaycana səfərinin nəticələri ilə bağlı şərhində yazıb.
Gürcüstan baş naziri qeyd edib:
“Azərbaycan Prezidenti İlham Əliyevlə görüşdə strateji tərəfdaşlıq və dostluq münasibətlərimizi müzakirə etdik. Bu görüşdə biz birgə səylərlə reallaşdırılan uğurlu regional layihələri xüsusi vurğuladıq”.
Ölkələrimizin birlikdə önəmli layihələr həyata keçirdiyini yazan İ.Qaribaşvili vurğulayıb:
“Biz bunu davam etdirmək niyyətindəyik. Münasibətlərimizi daha da möhkəmləndirəcək birgə layihələr reallaşdıracağıq”.
İrakli Qaribaşvili Bakıda səmimi qəbula görə Azərbaycan Prezidentinə təşəkkürünü də bildirib.
Tarix
2021.05.06 / 19:11
|
Müəllif
Axar.az
|