Çoxəsrlik dövlətçilik tari̇xi̇ni̇n müstəqi̇lli̇k zi̇rvəsi̇ Heydər Əliyevin adı ilə bağlıdır. Ümummilli lider Heydər Əliyev xalqımıza 3 böyük miras qoyub.

Axar.az xəbər verir ki, bu sözləri politoloq Nurlan Qələndərli deyib.

Politoloq H.Əliyevin xalqımıza miras olaraq qoyduğu 3 dəyər haqda danışıb:

"1) Dövlət müstəqilliyi. 1991-ci ildən adı formal müstəqil dövlətlər sırasında yer alan Azərbaycan milli suverenliyini – gerçək müstəqilliyini məhz Heydər Əliyevin ölkəmizə rəhbərlik etməsindən sonra əldə etdi: dövlət öz resurslarının sahibinə çevrildi, respublika beynəlxalq münasibətlər sistemində öz milli-strateji maraqları əsasında təmsil olunmağa başladı. Çoxəsrlik dövlətçilik tarixinin müstəqillik zirvəsi məhz Heydər Əliyevin adı ilə bağlıdır;

2) Zəngin mənəvi-siyasi i̇rs, yaxud Heydər Əliyev ideyaları. Bu irs milli sərvət və mütərəqqi dəyər kimi Azərbaycan dövlətçiliyinin mənəvi-siyasi paradiqmalarını təşkil edir;

3) Siyasi varislik. Ümummilli lider dövlətçilik tariximizdə siyasi varislik erası və ənənələrini yaratmaqla davamlı inkişaf və nizamlı sabitliyi təmin etmiş oldu. Heydər Əliyev siyasətinin Onun layiqli davamçısı olan Prezident İlham Əliyev tərəfindən milli maraqlara və müasir qlobal çağırışlara uyğun davam etdirilməsi nəticəsində Azərbaycan regional gücə çevrilib".