Türkiyə və Azərbaycan müdafiə sənayesi sahəsində bir sıra danışıqlar aparır.

Axar.az Oxu.az-a istinadən xəbər verir ki, bunu Türkiyə Böyük Millət Məclisinin sədri Mustafa Şəntop bu gün keçirilən mətbuat konfransında jurnalistin ortaq türk ordusunun yaranıb yaranmayacağına dair sualına cavab verərkən deyib.

O bildirib ki, anlaşmalar çərçivəsində iki ölkənin ortaq hərbi təlimləri keçirilir:

“Hərbi əməkdaşlıq sahəsində də birgə fəaliyyət nəzərdə tutulub. Bu anlaşmalar sahəsində işlər aparılır. Bütün bunlara rəğmən bizim əsas devizim mərhum Heydər Əliyevin dediyi kimi bir millət iki dövlətdir. Bunun ətrafında da bir çox danışıqlar və anlaşmalar aparılıb”.