Bu gün çox vacib gündür. Bu gün qardaşlığımıza atılan ən vacib imza, ən vacib zəfər günüdür.

Axar.az xəbər verir ki, bunu Türkiyənin Azərbaycandakı səfiri Cahid Bağçı Bakının Qafqaz İslam Ordusu tərəfindən işğaldan azad edilməsinin 103-cü ildönümü münasibətilə Türkiyənin Azərbaycandakı səfirliyində keçirilən tədbirdə deyib. O bildirib ki, bu zəfər bizə qardaşlığı miras buraxıb:

"Mən inanıram ki, Heydər Əliyevin tək bir vəsiyyəti var idi - Qarabağın azad olması. Bu gün Türkiyənin siyasi və mənəvi dəstəyi ilə Qarabağ azaddır. İnşallah qardaşlığımız çox illər yaşayacaq. Bu gün Azərbaycanın millət vəkili Qənirə Paşayeva gözəl bir fikir dedi: "Tarixini unudanın zəfəri olmaz". Bu gün torpaqları sulayan türk şəhid qanları var. Bu gün Bakının xilasını, bu tarixi günü qeyd edirik. Şəhidlərimiz şübhəsiz ki, gələcəyimizə əmanətdir. Qafqazda uyuyan bütün türk müsəlman qardaşlarımıza Allahdan rəhmət diləyirəm".