Axar.az
Yuxarı

Rusiya işğalı rəsmiləşdirir - Donbası seçkiyə “qatdı”

Ana səhifə Siyasət
12 Punto 14 Punto 16 Punto 18 Punto

Rusiyada bu gündən başlayaraq 3 gün ərzində parlamentə - Dövlət Dumasına seçkilərə start verilib. 450 yerlik parlamentə seçkilər qarışıq – majoritar və proporsional (partiya siyahılarıyla) əsasda keçirilir. Seçkidə 14 partiya iştirak edir. Həsbxanada olan Aleksey Navalnının simasında sistemdən kənar müxalifət seçkidə iştirak etmir.

Axar.az xəbər verir ki, bu barədə fikirlərini bölüşən politoloq Elxan Şahinoğlu bu seçkidə iki ilk yaşandığını vurğulayıb:

“Birincisi, seçki onlayn əsasda da keçirilir, yəni seçki məntəqəsinə getmək istəməyən Rusiya vətəndaşı internet vasitəsilə də səsini verə bilər. İkincisi, Rusiyada parlament seçkisində Ukraynanın tərkib hissəsi olan Donbas sakinləri də iştirak edirlər”.

Politoloq bildirib ki, Moskva Donbas sakinlərinə Rusiya pasportları paylayıb və onlar bu pasportlarla Dövlət Dumasına seçkilərdə namizədlərə səs verirlər:

“Donbasda seçki məntəqələri yaradılmasa da, sakinlər onlayn səsvermədə iştrak edə bilərlər. Krımın 2014-cü ildə ilhaqından sonra yarımada sakinləri Rusiyanın 4-cü seçkisində iştirak edirlər. Krım sakinləri bundan əvvəl bir dəfə 2016-cı ildə Rusiya parlament seçkisində, 2018-ci ildə prezident seçkisində iştirak ediblər, 2020-ci ildə Rusiya Konstitussiyasına dəyişikliklərə səs veriblər.

Ukrayna parlamenti – Ali Rada sentyabrın 8-də Krım və Donbasda keçiriləcək seçkilərə artıq etirazını bildirib. Ukraynalı deputatlar BMT, NATO, Avropa Parlamenti və dünya dövlətlərinin parlamentlərinə müraciət edərək Rusiyada keçirilən seçkilərin nəticələrini tanımamağa çağırıblar. Sentyabrın 15-də Avropa Parlamentinin Litva, Polşa və Estoniyadan olan deputatları bu məsələ ilə bağlı çıxışlar edib etirazlarını bildiriblər. Avropa Parlamentinin xarici əlaqələr komitəsi Avropa İttifaqı Komisarlığına müraciət edərək Rusiyada parlament seçkilərinin nəticələrini tanımamağa çağırış edib”.

Politoloqun sözlərinə görə, Rusiya beynəlxalq hüquqa və dövlətlərin ərazi bütövlüyü prinsipinə yenə hörmətsizliyini ortaya qoyub:

“Kreml bir tərəfdən sözdə Donbas böhranının həlli məqsədilə Minsk formatının davamını tələb edir, digər tərəfdən əməldə Donbasda qanunsuz seçki keçirməklə faktiki bu bölgənin də Krım kimi işğalını rəsmiləşdirir. Rusiyanın Krım və Donbası əhatə edən seçkiləri legitim sayıla bilməz və Ukraynaya dost dövlətlər bu məsələdə prinsipial mövqelərini ortaya qoyacaq, müvafiq bəyanatlar yayacaqlar”.

Tarix
2021.09.17 / 21:46
Müəllif
Axar.az
Şərhlər
Digər xəbərlər

Hacıyev: Ermənistan ciddi və pozitiv addımlar atmalıdır

Qarabağda nə baş verir? - Həsənquliyev danışdı

Bu dəfə məqsəd Suqovuşan və Talışa səfərdir - Hacıyev

Əliyev MDB iclasında şərtlərini açıqladı: Nikol razıdır...

XİN rəhbəri Fransa rəsmisinə erməni terrorundan danışdı

Ağdamı Qafqazın Hirosiması adlandırırlar - Əliyev

“Müstəqillik Günü” qanunu III oxunuşdan keçdi

Milli Məclisin iclası başladı

İranın bu ölkədə təsirini azaltmaq üçün... – Türk ekspert

ABŞ: İran təklif ediləndən daha çoxunu istəsə...

KULT
<>
Xəbər xətti
yatsan
Axar.az'da reklam Bağla
Reklam
Bize yazin Bağla