Ermənilər bütün dünyaya bir daha sübut etdilər ki, onlar xristian deyillər, çünki İsanın davamçıları heç vaxt belə vəhşilik etməzdi. Onlar Qarabağda islam dininə məxsus bütün izləri məhv edərək, bu ərazilərin türklərə deyil, ermənilərə məxsus olduğuna inandırmaq istəyirdilər.

Axar.az xəbər verir ki, bunu Peru Jurnalistlər Federasiyasının vitse-prezidenti, siyasi şərhçi Rikardo Sançes deyib.

“Ermənilərin məqsədi Qarabağda Azərbaycan tarixini silmək idi. Çünki daxilən həmişə dərk edirdilər ki, Qarabağ onların torpaqları deyil, onlar vəhşicəsinə buraları zəbt ediblər. Amma hər şeyin sonu olduğu kimi, erməni vəhşiliyinə də son qoyuldu. Ermənilərin tamahkarlığı və onların Azərbaycanın ərazi bütövlüyünü tanımamaq niyyəti hər zaman iki xalq arasında sülhə mane olacaq”, - Sançes bildirib.