Yunan siyasətçilərinin ağılları başlarına gəlməlidir.

Axar.az xəbər verir ki, bu sözləri Türkiyənin Böyük Birlik Partiyasının (BBP) rəhbəri Mustafa Destici ABŞ-ın Yunanıstanda Türkiyəyə qarşı hərbi bazalar yaratması ideyası ilə bağlı açıqlamasında deyib.

“Lap yaxınlığımızda, Ədirnənin o biri tərəfində bazalar yaradır. Bu hazırlığı bir tərəfdən Rusiyaya, digər yöndən də Türkiyəyə qarşı görür. Yunanıstanı təşviq edir. Qurtuluş Savaşı illərində də eyni şəkildə Qərb yunanları qızışdırıb Türkiyəyə, Anadoluya göndərdi və daha sonra dənizə töküldülər. Bu dəfə isə dənizə tökməklə kifayətlənməyəcəyik. Dədəağac, Saloniki, Afinanı da başlarına uçurdarıq. Əcdadlarımız necə etdisə, elə edəcəyik. Türkiyə ilə yaxşı münasibətlər qurmaq məcburiyyətindədirlər. Türkiyə hər zaman yaxşı qonşuluq münasibətlərini qoruyub saxlayıb. Lakin indi görürük ki, Yunanıstan ABŞ və Avropanın fitnəsi ilə Türkiyəni Kiprdən çıxarmağa və orada qurduqları kiçik dövlətlə Aralıq dənizini idarə etməyə çalışır”, - deyə partiya rəhbəri bildirib.