Bu gün onlayn formatda jurnalistlərin suallarını cavablandıran Ermənistan Baş naziri Nikol Paşinyana provokativ sorğular da ünvanlanıb.

Axar.az xəbər verir ki, erməni mediasının nümayəndələri keçmiş və qondarma “dqr”i bir daha gündəmə gətirməyə çalışıb və İrəvanın onun “müstəqilliyinin” tanıması imkanlarının nə qədər olduğunu soruşub.

Paşinyan isə cavabında deyib ki, İrəvan Qarabağla bağlı danışıqların Minsk Qrupu formatında dirçəldilməsinə çalışır.

“Beynəlxalq hüquq dilində danışmaq lazımdır”, - deyə N.Paşinyan fikrini yekunlaşdırıb.

Qeyd edək ki, beynəlxalq hüquq keçmiş Dağlıq Qarabağı hər zaman Azərbaycanın tərkib hissəsi hesab edib. Yeni reallıqda isə belə bir qurum yoxdur və Azərbaycan hazırda rus sülhməramlılarının himayəsində yaşayan cəmi 19 min erməniyə hansısa mədəni status vermək niyyətində olmadığını dəfələrlə elan edib.

İrəvanın MQ-ni diriltmək təşəbbüslərini də Bakı rədd edir.