17:46

Rusiya Baş nazirinin müavini Aleksey Overçuk Ermənistanın paytaxtı İrəvana gedib.

Axar.az xəbər verir ki, o, baş nazir Nikol Paşinyanla görüşəcək.

Görüşdə əsasən kommunikasiya xətlərinin açılması məsələsi müzakirə ediləcək.

Xatırladaq ki, A.Overçuk bu gün Azərbaycanda səfərdə olub və Prezident İlham Əliyevlə görüşüb.

***

Ermənistan Baş naziri Nikol Paşinyan və Rusiya Baş nazirinin müavini Aleksey Overçuk arasında görüş baş tutub.

Bu barədə Ermənistan hökumətindən məlumat verilib.

Bildirilib ki, tərəflər regionda kommunikasiyaların açılması, ikitərəfli əməkdaşlıq, həmçinin Ermənistan, Rusiya və Azərbaycan baş nazirlərinin müavinlərindən ibarət üçtərəfli komissiyanın fəaliyyəti ilə bağlı məsələləri gündəmə gətiriblər.

Görüşdə Ermənistan Baş nazirinin müavini Mger Qriqoryan və Rusiya xarici işlər nazirinin müavini Andrey Rudenko da iştirak edib.