Mən prokurorluğun ittihamını və gürcü məhkəməsini qəbul etmirəm.

Axar.az xəbər verir ki, bunu Gürcüstanın keçmiş prezidenti Mixail Saakaşvili məhkəmədə çıxışında deyib.

“Mən bura əvvəlcədən yazılmış komediyanın bir hissəsi olmaq üçün gəlməmişəm”, - Saakaşvili bildirib.

Məhkəmə başlamazdan əvvəl müdafiə tərəfinin zalda Gürcüstan himnini səsləndirməsi məhkəməni narazı salıb.

“Himnə qadağa? Öz yaratdığım Gürcüstan himni üçün indi mübahisə etmək istəmirəm”, - Saakaşvili narazılığını ifadə edib.

Hakimlər səhhətinə görə Saakaşviliyə su içməyi məsləhət görüblər. Keçmiş prezident onlara təşəkkür edib və onların xeyirxahlıqlarını qiymətləndirdiyini deyib.

Saakaşvilinin vəkilləri televiziya vasitəsilə canlı yayımın aparılması üçün hakimə ərizə ilə müraciət etsələr də, məhkəmə onların istəyini rədd edib. Onların Feysbuk vasitəsilə canlı yayım aparmaq niyyətləri də baş tutmayıb.

Məhkəməyə yalnız Gürcüstanın Birinci kanalının operator və jurnalistləri zala buraxılıb.