Ermənistan-Azərbaycan sərhədinin müəyyənləşdirilməsi İrəvan revanşistlərini bütün ümidlərdən məhrum edir.

Bu sözləri Axar.az-a müsahibəsində politoloq, Plexanov adına Rusiya İqtisadiyyat Universitetinin Politologiya və sosiologiya kafedrasının dosenti Aleksandr Perenciyev deyib.

“Nikol Paşinyan iki stulda oturmağa çalışır: həm Rusiyanın dostu və müttəfiqidir, Cənubi Qafqazda sülhün bərqərar olmasına, ermənilərlə azərbaycanlıların düşmənçiliyinə son qoyulmasına çalışır, eyni zamanda NATO və Avropa İttifaqının böyük dostudur, rəsmi Bakı ilə barışmağa tələsmir və hər cür yolla revanşistləri - həm öz ölkəsində, həm də ABŞ və Avropada yaşayanları razı salmağa çalışır”, - deyə o qeyd edib.

Zəngəzur dəhlizinin üstünlüklərindən danışan rusiyalı ekspert bildirib ki, bu dəhliz Qarabağın sosial-iqtisadi inkişaf səviyyəsinin, əhalisinin vəziyyətinin yüksəlməsinə töhfə verəcək:

“Yəni sadə dillə desək, Azərbaycanın qərb bölgələrində yaşayan ermənilər Ermənistanın özündəki ermənilərdən daha yaxşı yaşayacaqlar. Zamanla Ermənistan vətəndaşları Azərbaycanda yaşamağa çalışacaqlar”.