Ötən gecə erməni mənbələri Azərbaycanın daha bir tələbinin yerinə yetirilməsinin başlandığını bildiriblər.

Axar.az erməni Teleqram kanallarına istinadən xəbər verir ki, artıq bu səhərdən etibarən ermənilər Qarabağdan artilleriya qurğularını çıxarırlar.

Proses rus sülhməramlıların nəzarəti altında baş tutur. Məlumata əsasən, sentyabrın sonuna qədər Qarabağda ermənilərin heç bir ağır silahı qalmayacaq.

Qarabağdakı separatçıların qondarma “qüvvələri” isə qondarma “xalq milisinə" çevrəcək. Bu da yalnız müvəqqəti aralıq qərardır. Qarabağda ermənilərin heç bir statusu olmayacaq, müvafiq olaraq, heç bir "milis"dən də söhbet gedə bilməz. Qarabağda erməni "milislərin" Azərbaycan vətəndaşlığını qəbul edəcəyi və öz formasını Azərbaycan polis əməkdaşlarının formasına dəyişəcəyi bildirilir.