Azərbaycanın Tehrandakı səfirliyinə hücumu qətiyyətlə pisləyirik.

Axar.az xəbər verir ki, bu barədə Xorvatiya Xarici İşlər Nazirliyi Tvitterdə məlumat yayıb.

"Diplomatik missiyalara qarşı zorakılığa heç bir bəraət qazandırmaq olmaz. Azərbaycan hökumətinə və xalqına başsağlığı veririk, bu çətin anlarda düşüncələrimiz zərərçəkənlərin və onların ailələrinin yanındadır", - məlumatda deyilir.

Xatırladaq ki, 27 yanvar 2023-cü il tarixində Bakı vaxtı ilə səhər saat 8:30 radələrində Azərbaycan Respublikasının İran İslam Respublikasındakı Səfirliyinə silahlı hücum olub. Hücum edən şəxs "Kalaşnikov" markalı avtomat silahla mühafizə postunu yararaq, mühafizə xidmətinin rəisini qətlə yetirib. Səfirliyin iki nəfər mühafizə əməkdaşı da hücumun qarşısını alarkən yaralanıblar. Onların vəziyyəti qənaətbəxşdir.