Türkiyədə baş verən fəlakətli zəlzələdən sonra çoxları düşünürdü ki, bu, Ərdoğanın son seçkisi olacaq. Ancaq gözlənilənin tam əksi oldu. O, yenidən qalib gəlməyə hazırlaşır.

Axar.az xəbər verir ki, bu barədə CNN-in yaydığı məqalədə bildirilib.

Məqalədən çıxarışlar paylaşan Avropada yaşayan jurnalist Elbəyi Həsənli qeyd edib ki, CNN-ə açıqlama verən Yaxın Şərq Siyasəti İnstitutu (Institute for Near East Policy”) mütəxəssisi Sonər Çagaptay deyir: “Ərdoğan İstanbulu sevir, çünki bu şəhər Osmanlının gücünü və Ərdoğanın əzəmətini simvollaşdırır... Ərdoğan Türkiyəni yenidən böyük etmək istəyir. Ərdoğan Türkiyədə mövcud olmuş Osmanlı möhtəşəmliyini bərpa etmək arzusundadır”.

CNN bildirir ki, Ərdoğan Türkiyənin siyasi və tektonik dəyişikliklərindən sağ çıxmağa hazır görünür.

“Söhbət Ərdoğanın bazar günü keçiriləcək seçkidən qalib çıxmasından yox, hansı fərqlə qalib çıxmasından gedir”, - Çağaptay CNN-ə deyir.