Azərbaycan Prezidenti İlham Əliyev dezinformasiya hücumlarının qarşısının alınmasında peşəkar medianın rolunu həmişə yüksək qiymətləndirib.

Axar.az xəbər verir ki, bunu Azərbaycan Prezidentinin köməkçisi – Prezident Administrasiyasının Xarici siyasət məsələləri şöbəsinin müdiri Hikmət Hacıyev II Qlobal Media Forumunda çıxış edərkən deyib.

“Qlobal informasiya məkanında ölkəmizin yüksək beynəlxalq nüfuzuna xələl gətirmək hallarından bəhs edərkən Azərbaycan Prezidenti İlham Əliyev kütləvi dezinformasiya hücumlarının qarşısının alınmasında, cəmiyyətin operativ və düzgün məlumatlandırılmasında peşəkar medianın böyük rolunu həmişə yüksək qiymətləndirib”, – Hikmət Hacıyev vurğulayıb.

Onun sözlərinə görə, ölkənin media resursları Azərbaycan həqiqətlərini beynəlxalq ictimaiyyətə çatdırmaq üçün fəaliyyətlərini media etikasının prinsiplərinə söykənərək yorulmadan davam etdirməkdədirlər.