Rusiya Azərbaycan və Gürcüstana qəza rejimi zamanı ümumilikdə 600 MVt həcmində elektrik enerjisi tədarük etmək imkanını nəzərdən keçirmək üçün müraciət edib.

Axar.az xəbər verir ki, bu barədə Rusiyanın “İnter RAO” enerji şirkətinin idarə heyətinin üzvü Aleksandr Panin Ümumrusiya Tarif Konfransı çərçivəsində jurnalistlərə deyib.

“Bəli, biz iki ölkəyə müraciət etdik: Azərbaycan və Gürcüstandan tədarük imkanını soruşduq. İdxal imkanını nəzərdən keçiririk və qəza rejimi zamanı iki qonşu enerji sisteminin tədarük imkanları ilə maraqlanırıq”, - deyə o bildirib.

Onun sözlərinə görə, şirkət Gürcüstan və Azərbaycandan hələ cavab almayıb:

“Rusiya Federasiyası elektrik enerjisini idxal etmədən keçinməyə çalışacaq, lakin fövqəladə hallarda qonşu ölkələrin enerji sistemlərinə müraciət edə bilər”.