Ukrayna ABŞ-dan sonra Britaniya istehsalı olan raketlərlə də Rusiyaya zərbələr endirdi. Hədəf bəllidir: Trampın gəlişindən sonra Ukraynanın güzəştə məcbur ediləcəyi mümkün danışıqların qarşısını almaq, həm də danışıqlar qaçılmaz olacağı təqdirdə Ukraynanın əlini həm masada, həm hərbi meydanda gücləndirmək.

Axar.az xəbər verir ki, bu sözləri politoloq Asif Nərimanlı Ukraynanın Rusiyanın dərinliklərinə 19 noyabrda ATACMS, 20 noyabrda isə “Storm Shadow” raketləri ilə zərbə endirməsi haqda qeyd edib.

O bildirib ki, burada hər kəsin - ABŞ, Britaniya, Fransa – öz marağı var:

“Rusiya qarşıdakı iki ay ərzində - Trampın Ağ Evdə işə başlamasına qədər maksimum dözməyə və vəziyyətin nəzarətdən çıxmasının qarşısını almağa çalışacaq”.