Şübhəsiz ki, Cənubi Qafqazın bütün ölkələri vəziyyətin - Rusiya ilə ABŞ arasında danışıqlar prosesinin inkişafını diqqətlə izləyir. Və bir az nəzərə çarpacaq dərəcədə istiləşmə olsa, bu, təbii ki, Cənubi Qafqazda güclərin geosiyasi balansına təsir edəcək.

Bu sözləri Axar.az-a rusiyalı politoloq Yevgeni Mixaylov Rusiya ilə ABŞ arasında münasibətlərin istiləşməsinin Cənubi Qafqaza təsirini şərh edərkən deyib.

“Buradan görünür ki, İrəvana daha az dəstək veriləcək. Fransanın Ukrayna rejiminə uğursuz dəstəyindən sonra onun artıq Ermənistan dövlətinə vaxtı olmayacaq. Düşünürəm ki, ən azı AB-nin dəstəyi kəskin şəkildə azalacaq. Ermənistanın isə ağlı başına gələ və Moskvanın zəmanəti ilə İrəvanla Bakı arasında razılaşmanın bütün şərtlərini yerinə yetirə bilər. Zəngəzur dəhlizi açılacaq, nəticədə sərhədlərə, bölgəyə müəyyən sülh tarazlığı gələcək. İrəvan Ukrayna ilə bağlı danışıqlar prosesini gözləyir, çünki Avropa zəifləyir və ABŞ uzaqdadır. Yaxınlıqda Rusiya, Azərbaycan, Türkiyə və Gürcüstan var ki, onlar da öz milli maraqlarına riayət etmək mövqeyindədir. Ona görə də böyük ehtimalla 3+3 formatı inkişaf edəcək. Bölgəyə sülh gələcək. Rusiya ilə ABŞ arasında münasibətlərdə istiləşmə olarsa, o zaman əminəm ki, bu, İrana da təsir edəcək. Rusiya regionda vəziyyəti sabitləşdirmək üçün İran və ABŞ arasında vasitəçi kimi çıxış edə biləcək”, - o bildirib.