Xocalı soyqırımının İraq parlamentində tanınmasına çalışırıq.

Axar.az APA-ya istinadla xəbər verir ki, bunu İraq parlamentinin deputatı Ərşad Rəşad Salehi Bakıda keçirilən "Türkman irsi: vətəndaş cəmiyyətlərinin həmrəyliyi" adlı Forumda çıxışı zamanı deyib.

"İraqla Azərbaycan arasındakı dil, mədəni əlaqələr, ortaq mirasımız - Füzulimiz var. Şeirimiz, mədəniyyətimiz həmişə bir olub. Türkmanlara qarşı ilk qətliam Birinci Dünya müharibəsindən sonra 1920-ci ildə ermənilər tərəfindən törədilib. 1975-ci ildə Səddam rejimi türkman torpağını istila edib başqa ölkələrin işğalına verməsi türkmanları millət olaraq kimliyindən ayırmaq cəhdi idi. Bir İraq türkmanları olaraq, şeirimizin, mədəniyyətimizin, tariximizin gücü ilə bu torpaqlarda öz milli kimliyimizi qoruyub saxlamağa çalışmışıq. Dilimizi, tariximizi, mədəniyyətimizi əsla unutmamışıq", - iraqlı deputat bildirib.