Tacikistan Azərbaycanla Ermənistan arasında sülh və dövlətlərarası münasibətlərin qurulması haqqında Sazişin mətni üzrə danışıqların yekunlaşmasını alqışlayır.

Axar.az xəbər verir ki, bu barədə Tacikistanın Xarici İşlər Nazirliyindən bildirilib.

"Əminik ki, bu sənədin tezliklə hüquqi cəhətdən möhkəmləndirilməsi Azərbaycan-Ermənistan münasibətlərinin tam normallaşması istiqamətində mühüm addım olacaq, Cənubi Qafqaz regionunun sabitliyinə və inkişafına töhfə verəcək", - məlumatda deyilir.

Xatırladaq ki, xarici işlər naziri Ceyhun Bayramov martın 13-də Azərbaycan və Ermənistan arasında sülh və dövlətlərarası münasibətlərin qurulması haqqında Saziş layihəsinin mətni üzrə danışıqların yekunlaşdığını bildirib.