Avropa Birliyinin Cənubi Qafqaz və Gürcüstan böhranı üzrə xüsusi nümayəndəsi Maqdalena Qrono Çex Respublikasının xarici işlər naziri Yan Lipavski ilə görüşüb.

Axar.az xəbər verir ki, Maqdalena Qrono bu barədə X hesabında paylaşım edib.

“Praqada iki günlük intensiv görüşləri başa vurdum”, - AB rəsmisi vurğulayıb.

Onun sözlərinə görə, görüşlər zamanı əsas diqqət regionda sülh prosesinə və Ermənistanla Azərbaycan arasındakı münasibətlərin normallaşmasına yönəlib.

Maqdalena Qrono Çex Respublikasının xarici işlər naziri Yan Lipavski ilə görüşərək AB-nin Ermənistan və Azərbaycan arasında dialoqa dəstəyinin vacibliyini müzakirə edib.

O, həmçinin AB-nin bu prosesə davamlı dəstəyinin əhəmiyyətini vurğulayıb və ötən həftə sülh sazişi danışıqlarının yekunlaşdırılması ilə bağlı verilən açıqlamaların önəmini qeyd edib.