Ermənistanın Baş naziri Nikol Paşinyanla ABŞ Dövlət katibi Marko Rubio arasında telefon danışığı olub.

Axar.az xəbər verir ki, bu barədə Ermənistan hökumətinin mətbuat xidməti məlumat yayıb.

Bildirilib ki, həmsöhbətlər Ermənistan və ABŞ arasında strateji tərəfdaşlıq, eləcə də regional gündəliklə bağlı məsələləri müzakirə ediblər:

Paşinyan dövlət katibinə danışıqlar prosesini (Azərbaycanla – red.) təqdim edib və “Ermənistan Respublikası ilə Azərbaycan Respublikası arasında sülhün və dövlətlərarası münasibətlərin yaradılması haqqında” saziş layihəsinin razılaşdırıldığı haqda məlumat verib.

Baş nazir vurğulayıb ki, saziş layihəsi imzalanmağı gözləyir.

Həmsöhbətlər Ermənistan və ABŞ arasında yüksək səviyyəli təmasları davam etdirmək barədə razılığa gəliblər.