ABŞ ticarət tarifləri ilə bağlı danışıqlarda ilk addımı atıb Çinlə əlaqə saxlamayacaq.

Axar.az xəbər verir ki, bu barədə CNN Ağ Evdəki iki yüksək vəzifəli məmura istinadən məlumat yayıb.

“ABŞ Prezidenti Donald Tramp komandasına deyib ki, Çin ilk addımı atmalıdır, çünki ticarət müharibəsinə qarşı mübarizə aparmaq və daha da gərginləşdirmək qərarına gələn Pekin olub. Dünyanın iki iqtisadi fövqəldövləti arasında görünməmiş ticarət müharibəsi sürətlə böyüyür. Bu mövqe Çin rəsmilərinə çatdırılıb, lakin Pekin dəfələrlə Prezident Si Szinpinlə Amerika lideri arasında telefon danışığını təşkil etməkdən imtina edib”, - mənbə bildirib.