Azərbaycanın Birləşmiş Krallıqdakı səfiri Elin Süleymanov Britaniyanın çoxsaylı izləyici auditoriyasına sahib olan “GB Nyus” telekanalına müsahibəsində Ruben Vardanyanın lobbiçiliyini həyata keçirən şəxslərin Bakıya qarşı əsassız iddialarının cavabını verib.

Axar.az xəbər verir ki, səfir Ruben Vardanyanın separatizmin təşviqi, müharibə cinayətləri, terrorçuluğun maliyyələşdirilməsi, qeyri-qanuni silahlı birləşmələrin yaradılması, Azərbaycanın rəsmi şəxslərini terrorla hədələmə və digər cinayətlərdə ittiham olunduğunu bildirib.

Beynəlxalq Ədalət Məhkəməsi və BMT-nin İnsan Hüquqları Şurasının Əsassız Həbslər üzrə İşçi Qrupu Ruben Vardanyanın işi ilə bağlı Ermənistan tərəfinin iddialarını rədd edib.
Səfir Ruben Vardanyanın işinə dini don geyindirmək istəyənlərin iddialarının əsassız olduğunu qeyd edib, onun həbsxanada kitabxanadan istifadəsinə şərait yaradıldığını vurğulayıb.