Artıq vəfat edən bütün sənətçilərimizi ziyarət edəcəyik.

Axar.az xəbər verir ki, bu sözləri xalq artisi Nurəddin Mehdixanlı "Günəbaxan" verilişində Akademik Milli Dram Teatrında başladıqları yeni ənənə haqda danışarkən deyib. Aktyor kollektiv şəklində tədbirlərə gedəcəklərini bildirib:

"Hörmətli Azər Paşa Nemətovun rəhbərliyi ilə Akademik Milli Dram Teatrının bütün kollektivi vəfat etmiş sənətçilərimizi ziyarət etməyə gedəcək. Bu ənənəyə 2016-cı ilin ilk günlərində start veririk. İlk olaraq rəhmətlik xalq artisti İlham Əsgərovun məzarını Masallıda ziyarət edəcəyik. Bunun üçün rəhbərlik tərəfindən nəqliyyat vasitəsi də ayrılıb".