Cəlilabadda iki avtomobilin toqquşması nəticəsində bir nəfər ölüb, 5 nəfər yaralanıb.

Azadinform xəbər verir ki, hadisə bu gün səhər saatlarında Ələt-Astara magistral yolunun 125-ci km-də baş verib. Cəlilabad rayon Musalı kənd sakini Zaur Babayev VAZ 21 015 markalı avtomobili ilə Bakı istiqamətində hərəkət edərkən Qarşı tərəfdən gələn Bakı sakini Xanağa Nəzərovun avtomobili ilə toqquşub. Nəticədə VAZ 21 015 markalı avtomobildə olan sərnişin Fariz Rəsulov hadisə yerində dünyasını dəyişib. Hər iki avtomobilin sürücüləri və sərnişinlər Məhəmməd Məmmədov, Dilbər Əbilova və Telman Əbilov yaralı halda Cəlilabad mərkəzi rayon xəstəxanasına çatdırılıblar. Onların vəziyyəti orta ağır olraq qalır. Faktla bağlı araşdırma aparılır.