Şabran və Kürdəmir sakinlərinin həyətindən narkotik tərkibli bitkilər aşkar edilib.

DİN-dən Axar.az-a verilən məlumata görə, Şabran rayon Polis şöbəsi (RPŞ) əməkdaşlarının həyata keçirdikləri əməliyyat-axtarış tədbirləri nəticəsində Şahnəzərli kənd sakini Əfqan Məmmədova məxsus həyətyanı sahədən kultivasiya yolu ilə yetişdirilmiş 13 ədəd çətənə kolu aşkar edilərək götürülüb, Ə.Məmmədov isə tutulub.

Kürdəmir RPŞ əməkdaşlarının həyata keçirdikləri əməliyyat-axtarış tədbirləri nəticəsində isə şəhər sakini Anar Baxışova məxsus həyətyanı sahədən kultivasiya yolu ilə yetişdirilmiş 4 ədəd çətənə kolu aşkar edilərək götürülüb, A.Baxışov həbs edilib.

Ağdaş RPŞ əməkdaşları tərəfindən Ağdaş rayonu ərazisində yabanı halda bitmiş, çəkisi 2 ton 210 kiloqram olan 3200 ədəd çətənə kolu aşkar edilərək məhv edilib.